Djegia e mjetit në lëvizje, shoferi dhe 3 pasagjerët përfundojnë në spital, u kapën në befasi nga flakët

Policia jep detaje e para nga incidenti i rëndë në aksin Lushnjë-Rrogozhinë, në “Rotondon e Çermës”, ku një mjet u përfshi nga flakët. Sipas bluve, mjeti tip “Golf” ka marrë flakë në lëvizje si pasojë e një defekti teknik.

Zjarri në makinë ka kapur pa përgatitur shoferin, 19-vjeçar E, K dhe tre pasagjerët , 21-vjeçarin A.S, 19-vjeçarin Gj.Xh si dhe të miturin, 17-vjeçarin F.XH. Mësohet se pavarësisht tentativave për t’i shpëtuar flakëve të katër ata kanë pësuar djegie në trup dhe ndodhen në spital, nën kujdesin e mjekëve.

Gijotina.com raportoi më herët se nga zjarri në makinë, 2 nga pasagjerët u hodhën nga dritarja për t’i shpëtuar lëndimit nga flakët, gjersa mjeti ishte në lëvizje.