Përfaqësuesja ligjore e biznesit, ku u dogjën çadrat dhe shezlongët gjatë natës në plazhin e Drimadhes, Artemis Kito, ka dhënë një deklaratë për mediat ditën e sotme, duke sqaruar të gjithë shpërndarjen e çadrave dhe shezlongëve.
Në një prononcim për mediat, ajo u shpreh se biznesi që ajo përfaqëson nuk ka pasur probleme dhe nuk mendoj se zjarri ka të bëjë me konkurrencën, ndaj edhe kërkoi hetim nga Policia.
“Unë jam Artemis Kito përfaqësuesja ligjore e subjektit Domi.al.shpk, jemi pajtuar me stacionet e plazhit në Drimadhes, kemi ndjekur procedurat pranë bashkisë Himarë. Mbrëmjen e djeshme ndodhemi një zonë dhe kemi marrë telefonatë nga banorë që kishin parë zjarr dhe tym. Kemi mbërritur në vendngjarje dhe pamë që shezllonët dhe çadrat ishin përpirë nga flakët. Nuk e kishim nisur akoma aktivitetin pasi në 25.06.2021 kemi marrë njoftimin nga agjencia e kombëtare e bregdetit për lidhjen e kontratës dhe prisnim piketimin e bashkisë për të shpërndarë. nuk kemi hasur konflikt nuk kemi pasur probleme, nuk mendoj as konkurrencën dhe asgjë. Ky është sezoni i 3, vitin e kaluar e kemi pasur në një parcelë tjetër. Këtë kemi thënë edhe në polici. Në këto momente çfarë nuk po dëgjojmë dhe shikojmë por nuk mendoj se kemi ndonjë risk,”- tha ajo.
