Tenisti serb Novak Djokovic siç e dimë tashmë është ndaluar nga autoritetet australiake, ngjarje që bëri bujë në mbarë botën. Djokovic u rikthye nga izolimi për shkak të mosvaksinimit. Ai mori dritën jeshile nga gjykata e cila vendosi që Djokovic të merrte pjesë në turne, ku thuhej se sportisti serb kishte paraqitur një dokument ku tregohej se për arsye shëndetësore nuk mund të vaksinohej.
Menjëherë pas kësaj ka reaguar edhe rivali i tenistit serb, Rafael Nadal, i cili shprehet se drejtësia foli, edhe pse sportivisht tenisti spanjoll s’ka dashur që serbi të merrte pjesë në turne.
“Drejtësia ka folur dhe më duket mirë që Djokovic do të garojë në Australian Open. Më duket korrekte sepse ka vendosur gjykata dhe unë gjithnjë kam qenë mbështetës i drejtësisë. Nga ana sportive do të preferoja që Novak të mos ishte pjesë e turneut, por unë respektoj vendimet e gjykatës. Institucionet më të rëndësishme theksojnë se vaksina është mjeti i duhur për të luftuar pandeminë, megjithatë secili është i lirë të bëj zgjedhjen e tij për të cilën mban përgjegjësi”, është shprehur Nadal.
Discussion about this post