Ministrin i Drejtësisë, Ulsi Manja, ka zhvilluar sot një kontroll rutinë në Burgun e Reçit në Malësinë e Madhe. Gjatë fjalës së tij ai ka folur për disa ndryshime që do të bëhen. Manja tha se, po zgjerohet plani për punësimin e të burgosurve, ndërsa tregoi edhe masat e reja për kufizimet, lejet e takimeve dhe zbutjen e dënimit.
“Hiqen kufizimet për lejet përveç lejeve shpërblyese. Më familjarët takime normale jo me 4 në muaj dhe persona të afërm sipas përcaktimeve. Do jenë edhe takimet e veçanta dhe takime te veçanta me fëmijët. Startojmë fazën e dytë të punësimit të dënuarve ne institucione, 800 të burgosur që do të punësohen në gjithë Shqipërinë. Ligji i ri nuk lejon zbritjen e dënimit nëse punon por vetëm do të paguhet”, u shpreh ministri.
Ndërsa të tjera, ai foli për legalizimin e kanabisit në vend. Manja tha se do kemi analizë me konkrete për këtë çështje, por nëse i shërben ekonomisë së vendit pse të mos legalizohet kanabisi për qëllime mjekësore. Manja komentoi edhe fjalën “maloke” ndaj Elisabeta Imeraj, ku tha se është krenar që është malësor. Ai tha se mbështet punën e organeve të vettingut, por është kundër gjuhës së urrejtjes dhe racizmit.
Discussion about this post