Një 39-vjeçar shqiptar po përballet me akuza të rënda, atë të keqtrajtimit dhe të abuzimit seksual të gruas së tij. Ngjarja në fjalë vjen nga Rodos i Greqisë. Mësohet se më 21 qershor të këtij viti shqiptari do të dalë para togave të zeza në Gjykatën e Përbashkët të Assencës në Kos.
39-vjeçari u denoncua nga gruaja e tij se pasi e kishte goditur dhe kërcënuar e kishte përdhunuar. Pas marrjes në pyetje, i pandehuri nuk e pranoi akuzën dhe pretendoi se ishte një keqkuptim.
27-vjeçarja ka treguar se është e martuar prej 10 vitesh me 39-vjeçarin dhe se kanë dy fëmijë, një djalë 9-vjeçar dhe një vajzë 6-vjeçare.
“Ti je gruaja ime dhe unë do të bëj çfarë të dua”, mësohet t’i ketë thënë shqiptari gruas, dhe më pas e kishte goditur. Ndërkohë, 39-vjeçari ka mohuar akuzën e përdhunimit, ndërsa ka pohuar se e njeh bashkëshorten prej afro 12 vitesh dhe se janë martuar në vitin 2010. Tashmë ai do të duhet të përballet me akuzat për përdhunim dhe dhunim të gruas së tij.
Discussion about this post