Tezgat e tregtarëve romë në zonën e pallatit me shigjeta u shembën nga policia bashkiake në bashkëpunim me IKMT, duke lënë kështu pa punë tregtarët e zonës, të cilët ngrenë gjithashtu shqetësimin që po në këtë zonë kanë banesat e tyre, që rrezikojnë të shemben.
“Mirë që erdhën për tregun, por po na thonë edhe për shtëpitë, ku të shkojmë në mes të katër rrugëve? A mendon qeveria se çfarë do bëjmë? Jemi me fëmijë të vegjël”, shprehet një banor.
“Banesat janë me tapi, rrezikojnë që t’i prishi edhe shtëpitë. Do marrim çadrat, kartonat e do flemë në rrugë, nuk kemi ku të shkojmë.”
Ata shprehen se trualli që Bashkia Tiranë u ka lënë në dispozicion nuk mjafton për të shitur produktet e tyre.
“Ai vendi që i ka bërë atje është 1 metër, unë nuk do shes domate, do shes lecka të përdorura. Duhet ta bënte e pakta pesë metra vend. Është problemi që ai e ka çuar tregun mes pallateve.”
Tregtarët apelojnë ndaj Bashkisë Tiranë që të ofrojë një zgjidhje efikase për ta, pasi kjo është e vetmja formë me të cilën sigurojnë të ardhura.
Discussion about this post