“Do dërgojmë trupa në Ukrainë”, hakerët Anonymous sulmojnë aleatin e ngushtë të Rusisë

Grupi i hakerëve Anonymous pretendon se kanë çaktivizuar faqen e internetit të qeverisë së Çeçenisë 12 orë pasi rajoni aleat i Rusisë bëri me dije se po dërgonte trupa në Ukrainë. Një kontroll i bërë nga BBC zbuloi se siti aktualisht tregon një faqe gabimi 404 Host Not Found.

Çeçenia, zyrtarisht Republika Çeçene, është një republikë përbërëse e Rusisë. Udhëheqësi i saj, Ramzan Kadyrov, është aleat i ngushtë i Vladimir Putin.

Anonymous shpalli një “luftë kibernetike” kundër Rusisë ditën e premte dhe ka nisur disa sulme të tilla në faqet e internetit të qeverisë ruse, duke përfshirë heqjen e faqes së internetit të Ministrisë ruse të Mbrojtjes për disa orë me radhë.

Media shtetërore Russia Today ka konfirmuar gjithashtu se faqet e saj u ngadalësuan pas disa sulmeve.