Pas kërkesave të shumta nga vetë demokratët për largimin e Bashës nga drejtimi i PD, shumë zëra kanë folur se do të garojë për atë pozicion deputeti Belind Këlliçi. Por ai vetë mohon se do të bëhet pjesë e garës për kreun e ri të PD, të cilin Komisioni i Rithemelimit kërkon ta zgjedhë më 30 prill, kur edhe do të mbahet Kuvendi i radhës Kombëtar.
Ndërkohë me tutje, Këlliçi është shprehur se kërkesën e deputetëve të PD-së për bashkim të së djathtës ata e kanë mirëpritur por kërkesën e një grupi deputetësh që Sali Berisha të largohet, ai e konsideron absurde.
“Ky është absurdi më i madh. Këta deputetë vetë kanë artikuluar që Sali Berishën e kanë përjashtuar përjetësisht nga PD, e kanë përjashtuar nga çdo funksion, e kanë hequr nga grupi parlamentar, nga çfarë duan këta që të bëjë një hap pas Berisha? Nga mbështetja e demokratëve? Është në absurdin logjik që një pakicë uzurpuese t’i vendosë kushte një maxhoranca te faktuar”, u shpreh Këlliçi. Për Këlliçin, Lulzim Basha nuk ka asnjë mbështetje edhe pse sipas tij PD ka ende vend për të.
Discussion about this post