Ekspertja e çështjeve ekonomike, Brisida Shehaj, u shpreh se Yuri Kim përfaqëson atë pjesë të ndërkombëtarëve që nuk sjellin asgjë pozitive për Shqipërinë. Ajo e krahasoi këtë ndikim me një model korruptiv që, favorizon qeverinë dhe injoron vjedhjen e qytetarëve.
Shehaj theksoi se opozita po përpiqet të faktojë këto afera, por përballet me një sistem të kapur nga korrupsioni. Në analizën e saj, ajo përmendi edhe ndërhyrjet e mëparshme të zyrtarëve të BE-së, duke e cilësuar këtë model ndërhyrjeje si të përsëritur. Më tej, ekspertja ekonomike argumentoi se këto sjellje e kanë bërë Shqipërinë të ndjekë një rrugë ku, siç tha ajo, qytetarët janë të detyruar “të hanë bar.”
“Yuri Kim është ajo Amerika që ne nuk e duam, në fakt, pra është ajo pjesa më e shëmtuar, jo e Amerikës, e kujtdo ndërkombëtari.
Për sa kohë opozita po merret me faktimin e kauzave, të vjedhjes domethënë, sepse këta kanë një kauzë, rilindja, të vjedhin domethënë, ha, merr dhe ik pra.
Ne e kemi këtu Amerikën nga Rama, ha, merr dhe ik. Këtë Amerikë e pamë edhe nga Kimetja, kemi parë kështu, por kemi parë edhe këtë Europën si kjo Amerika.
Pra, deri tashmë ne kemi parë shumë ndërkombëtarë, shumë zyrtarë ndërkombëtarë që vijnë edhe që ikin, vijnë si vijnë edhe ikin si ikin. Ne kemi parë nga këta njerëz shembuj shumë të këqinj. Involvimi i kësaj zonje që na tregonte barin, ne budallenjëve, se kjo, me çfarë po shohim ne, me të drejtë do të hanim bar ne, se në këto pazare, kur lëvrin një firmë deri tani 100 e ca milionë, patjetër që do të hanim bar ne, se s’kishte si të ishte ndryshe.
Pra, në gjithë këtë histori, qoftë Kimetja apo qofshin Kimete të tjera që kanë qenë përpara në Bashkimin Europian, siç ke Vllahutinin, dhe bëhej fjalë për 30 e kusur milionë euro, se ne i harrojmë.
Janë aq shumë, sa ne i harrojmë”, u shpreh ajo.
Discussion about this post