Kryetari i Partisë Demokratike, Lulzim Basha thotë se investimi në arsim është një prej zgjidhjeve që mund të frenojë largimin e të rinjve nga Shqipëria.
Gjatë takimit të zhvilluar me të rinjtë e FRPD-së, Basha shprehet se PD do t’i kthejë institucionet shtetërore tek qytetarët.
“Politika me fytyrë njerëzore do kthejë institucionet shqiptarëve. Kur institucionet i ka kapur një grusht njerëzish, çfarë ekonomie do të kesh në këtë vend. Kur nuk ka ekonomi, tavolinat dhe shtëpitë janë bosh. Nuk mund të ketë ekonomi nëse nuk ka institucione të qytetarëve shqiptarë. Çlirimi i votës përmes sanksioneve, afatet jo më shumë se dy mandate, vetingu i politikanëve. Vetëm kjo do bëjë të mundur, që të rinjtë mos të largohen. Të rinjtë nuk i mbajnë në Shqipëri fjalët por veprat. Arsimi ka diçka ndryshe nga shumë gjëra. Edhe nëse ke institucionet më të mira arsimore, një student nëse nuk do të mësojë, nuk mëson. Por shihni se si shkëlqejnë studentët tanë. Nga familje me të ardhura të mesme kanë rezultate të shkëlqyera dhe në universitete të huaja. Prandaj ne duhet të investojmë në këtë rrugë. Të mos pushtohemi nga depresioni ekonomik. Na duhet investimi tek arsimi sepse kemi një rini të mrekullueshme, pasi me një investim të mirë në arsim, janë të gatshëm për sfidat e së ardhmes.
Ne do ta bëjmë. Marsidi tha do ta bëjë Lulzim Basha. Unë kam nderin ta prijë këtë sakrificë dhe nuk tërhiqem asnjë hap prapa, por vetëm nuk e bëj dot, askush nuk e bën dot vetëm. Është ndryshim që ndodh njëherë në brez. Është ndryshim kulturor dhe jo politikë. Ju ftoj, ju lus, ju pyes, a do ta bëjmë Shqipërinë ndryshe. Për të ardhmen e Shqipërisë, zoti e bekoftë rininë shqiptare, zoti e bekoftë Shqipërinë. Evidentoni më të mirët, përzgjidhni më të mirët për FRPD-në. Pasi siç është PD sot, do jetë Shqipëria nesër” – tha Basha.
Discussion about this post