Fatjon Hoxha ka folur për herë të parë për mediat pas vrasjes së partneres nga i ati. Në emisionin ‘Me zemër të hapur’ ai tregoi se familja nuk e pranonte Merushen në familje pasi kishin frikë mos ia merrte pasurinë. Madje ai shprehet se herë pas herë babai e kërcënonte Merushën se do t’i vriste fëmijët e saj nëse ajo i sillte në shtëpinë e tyre.
“Martesa me ish-gruan ishte me mblesëri. Nuk e donin Merushen se ka tre fëmijë, do marrë pasurinë, budallëqe. I thoja familjes time që nuk kanë punë me fëmijët e saj, ne do të shohim familjen tonë. Ai thoshte do ia ther fëmijët nëse i sjell këtu. Merushja nuk donte të ktheheshim në fshat.”, tha i riu.
Xhevahir Hoxha, 61 vjeç, banues në fshatin Vidhisht të Roskovecit në Fier vrau më 12 prill Merushe Hazizin e më pas u vetëvar. I moshuari kreu krimin pasi nuk ishte dakord me lidhjen e Merushes dhe djalit të tij.
Discussion about this post