Një ngjarje e rëndë ka ndodhur ditën e sotme në Greqi, ku është vënë në pranga një i ri shqiptar. Bëhet me dije se shqiptari ka tentuar që të lëndojë menaxherin e një lokali. Për arsye që ende nuk dihen, 39-vjeçari shqiptar ka marrë një varre në dorë dhe ka shkuar në lokalin ‘bar kafe’ në Nea Joni të Magnezisë duke kërcënuar se do t’i vriste.
Do t’ju qëlloj me varre, do iu ngul si gozhda”, tha ai. Mirëpo kërcënimi i mbaroi shpejt pasi u arrestua nga efektivët që ishin lajmëruar ndërkohë që të shkonin në vendin e ngjarjes. Edhe pse ka bërë rezistencë, sërish efektivët kanë mundur që ta çarmatosin duke i vënë më pas edhe prangat.
Ndaj 39-vjeçarit u ngrit padi për shkelje të ligjit për armët, kanosje, mosbindje dhe dhunë ndaj punonjësve të Policisë, megjithatë do të hetohet në gjendje të lirë.
Discussion about this post