Gjykata e Posaçme ka dhënë sot vendimin për biznesmenin Namik Koçi, pronari i baxhos “Perla Bulmet” në qytetin e Durrësit, i cili ishte marrë i pandehur për veprën penale “korrupsion aktiv ndaj personave që ushtrojnë funksione publike”.
Namik Koçi është shpallur fajtor dhe është dënuar me 1 vit burgim, por për shkak të gjykimit të shkurtuar dënimi i është ulur në 8 muaj burgim.
Gjithsesi, biznesmeni nuk do të përfundojë në qeli, pasi dënimi i është konvertuar në shërbim prove për një periudhë 1 vit e 4 muaj. Vendimi është marrë nga trupa gjykuese e përbërë nga gjyqtarët Flora Hajredinaj, Etleva Deda dhe Bib Ndreca.
Biznesmeni Namik Koçi u arrestua në shkurt të vitit të kaluar, pasi entoi të korruptonte drejtorin e AKU-së Rajonale Tiranë, me qëllim lehtësimin e procedurave për testimin e kampioneve të marra në subjektin e tij tregtar, baxhon “Perla Bulmet”.
Gjykata ka urdhëruar konfiskimin e shumës prej 70.000 lekësh, e konsideruar si mjet për kryerjen e veprës penale. Ndërkohë, shumat e tjera prej 215.000 lekësh dhe pajisjet elektronike personale do t’i kthehen të pandehurit dhe dy shtetaseve të tjera të përfshira në hetim.
Discussion about this post