Përgjegjësi për garën e Abu Dhabi, Derek Warwick ka thënë se Hamilton nuk do të tërhiqet nga Formula 1, por madje do të kthehet më i fortë.
Warwick hodhi poshtë thashethemet se piloti i Mercedes ishte gati të tërhiqej nga garat pasi iu rrëmbye titulli i tij i tetë botëror në xhiron e fundit nga Max Verstappen i Red Bull.
“Ai nuk ka bërë asgjë të keqe gjatë gjithë vitit dhe në një farë mënyre të dy e meritojnë të jenë kampion bote, por siç e dimë vetëm një mund ta fitojë atë. Jam i sigurt se ai është shumë i lënduar dhe do të duhet pak kohë për ta kapërcyer atë dhe ndoshta ky diskutim për t’u tërhequr është pak keqardhje për veten. Por ai do të kthehet më i fortë”, tha Warwick.
Discussion about this post