Erion Veliaj shfrenon abuzimin me fondet e Bashkisë. Ditën e enjte ai ka firmosur rreth 2 miliardë lekë vetëm për mirëmbajtje koshash dhe stolash, si dhe për riparimin e një rruge. Deri në muajin e zgjedhjeve vendore, kryebashkiaku do të paguajë një kompani që të ruajë stolat dhe të mirëmbajë koshat “dekorativ” që kanë filluar të vendosen në të gjithë Tiranën. Bëhet fjalë për tenderin me objekt “ Riparim i stolave dhe koshave” i hapur nga Drejtoria e Përgjithshme e Gjelbërimit. Ky institucion në varësi të Bashkisë Tiranë, është bërë si karrem i Veliajt për të kapur para nga këto kontrata me shpenzime të larta.
Së pari, duhet të kumtojmë se Bashkia ka një kontratë koncesionare me firmën “Eco Tirana”. E cila është përgjegjëse për mirëmbajtjen e koshave. Por, tashmë na u dashka një tender me të cilin do të shpenzohen miliona për t’i mirëmbajtur këto kontejnerë. Që na kushtojnë “sa qimet e kokës” kur blihen.
Konkretisht, vetëm për dy muaj mirëmbajtje koshash dhe stolash fituesi ka marrë 83 milionë lekë nga Bashkia Tiranë. Që këtu nis abuzimi, ndërsa afera thellohet e më tej kur evidentojmë që kontrata është zhvilluar në shkelje të ligjit.
Theksojmë se firma GERARD-A SHPK e ka marrë fondin pa garë fare.
Në dokumente shihet se vetëm kjo firmë ka paraqitur ofertë. Veliaj pa zhvilluar garë, në mungesë të konkurrencës ia ka falur tenderin pronarit të saj Altin Kumara.
Ky i fundit nuk është i panjohur për mediat. Kumara njihet si “ortaku i Lali Lekut nga Librazhdi”. E cilësojnë si ortaku i Veliajt, pasi bashkë kanë shumë bashkëpunime për tenderët e shtrira në disa fusha. Dhe pjesa më e madhe të nënshkruara në kundërshtim me ligjin.
Edhe në vitin 2021, kur vendi ishte në krizë të thellë ekonomike e sociale, Kumara ka marrë 200 milionë lekë nga Bashkia Tiranë për mirëmbajtjen e koshave. Pra, përveç milionave që rrëmben “Eco Tirana” për pajisje e pastrime, Veliaj dhe Kumara bëjnë pazare për koshat. Kështu, hidhen miliarda në kosh çdo vit.
Kujtojmë këtu se Kumara është pronar apo ortak i 7 firmave të tjera, që veprojnë në treg me ndërtime, transport, import, përpunim të dhënash e të tjera. Me tërë këto afera, Kumara dhe miku i tij Erion Veliaj janë gati për në SPAK
1.2 miliardë për riparim rrugicash
Pas milionave për koshat, Veliaj nxjerr nga qesja e bashkisë edhe 1.2 miliardë lekë për të riparuar disa rrugica në kryeqytet. Në këtë rast na mbetet të themi “shyqyr që janë zgjedhjet dhe kujtohet Lali për qytetarët”, pasi deri më tani e kishte mendjen te shtimi i kullave. Por, edhe në këtë tender Veliaj ka bërë skema të tilla që fitojë dhe vetë.
Tenderin ia ka falur një firmë pa garë. Bëhet fjalë për tenderin me objekt “Rikualifikim i bllokut që kufizohet nga rrugët “Liman Kaba”, “Prokop Mima”, “Robert Shvarc dhe “Skënder Luarasi” me fond 1.2 miliardë lekë.
Për këtë projekt kanë paraqitur 14 firma ndërtimi, mes te cilave kishte edhe nga ato që kanë ofruar ta kryejnë këtë shërbim me vetëm 80 milionë lekë (të reja). Por, Veliaj si gjithmonë shkon tek oferta më e shtrenjtë. Kështu, ai përdori sërish taktikën e vjetër. Skualifikoi të gjitha firmat e tjera dhe la në proces vetëm kompaninë “KTHELLA” shpk. Pa konkurrim, duke shkelur ligjin, komisioni i dha fitoren kësaj firme me ofertën 98 milionë lekë. Nuk është më çudi për ne, që çdo tender i publikuar është abuziv dhe për fasadë. Urojmë që SPAK-u të gjejë kurajën dhe ta cenojë paprekshmërinë e Lali Erit nga ligji.
Lexo edhe: Veliaj dhe Sako i japin 250 mijë euro Zotos për Shën Valentin
Discussion about this post