Lajmet e fundit që tregojnë se ylli i Kombëtares angleze, Raheem Sterling dëshiron të largohet nga Manchester City nuk i kanë pëlqyer shumë trajnerit Pep Guardiola.
Sterlind është i pakënaqur nga minutat që tekniku spanjoll e ka lënë të luajë. Ndërsa në lidhje me këtë çështje, Guardiola është shprehur se nuk mund t’i ‘sigurojë lojtarët se sa do luajnë.
“Unë nuk mund të siguroj se sa minuta do të luajnë lojtarët, ata duhet ta tregojnë atë në fushë. Ky është momenti më i mirë, jo për Raheem, por për të gjithë. Të gjithë janë të përfshirë. Ajo që dua për Raheem dhe për të gjithë është të jenë të lumtur. Ata duhet të jenë të kënaqur, dhe nëse nuk janë, ata janë të lirë të marrin vendime që janë më të mirat për ta, familjen e tyre dhe të gjithë ata që i duan. Si futbollist, ata të gjithë duan të luajnë 90 minuta, por unë nuk mund t’i siguroj ata, ata duhet ta dëshmojnë këtë në stërvitje”,-tha tekniku i City-t.
Ndërsa pas kësaj deklarate lojtari duket se do e mendojë akoma më seriozisht largimin nga ‘Citizenët’./K.T/Gijotina.com
