Lojtari i Real Madridit, Toni Kroos, ka njoftuar se do të veshë përsëri fanellën e Kombëtares Gjermanisë.
Mesfushori gjerman i dha fund karrierës nderkombetare para disa vitesh, por tashmë ka vendosur të rikthehet përsëri në ekipin e ‘Panzerave’.
Është vet Kroos, i cili me anë të një postimi në profilin e tij privat ka njoftuar se do të kthehet të luajë për Gjermaninë nga muaji mars.
“Në mars do të luaj sërish për Gjermaninë”, ka njoftuar fillimisht Kroos, duke vazhduar të arsyetojë vendimin e tij.
“Pse? Për shkak se u pyeta nga trajneri i kombëtares, jam në formë dhe jam i sigurt që me ekipin në Kampionatin Evropian është e mundur shumë më tepër nga sa besojnë shumica!”, përfundoi mesfushori gjerman.
Kroos ka luajtur plotë 106 ndeshje me Gjermaninë, ku ka shënuar 17 gola dhe ka fituar Kupën e Botës më 2014.
View this post on Instagram
Discussion about this post