Këngëtari i njohur Robert Berisha së fundmi ka sjellë në vëmendje puthjen që pati gjatë emisionit të dashurisë “Love Story” me njërën nga konkurrentet dhe ka zbuluar nëse do të bëhet pjesë e “Big Brother Vip 2”.
Kujtojmë se këngëtari ka deklaruar kohë më parë se ka marrë ftesën për të marrë pjesë në BBV1, të cilën e ka refuzuar pasi i duhej të linte vajzën dhe emisionin e tij për t’i bërë show falas një televizioni.
I ftuar në një intervistë për emisionin “Mirage”, Roberti është pyetur nëse do ta pranonte ftesën për t’u bërë pjesë e BBV2. Ai zbuloi se do të kishte pranuar nëse do t’i plotësoheshin disa kushte që ai kishte kërkuar më parë.
“Në “Big Brother” nuk kam pasur mundësi të shkoj dhe normal që nuk do të shkoja pa pagesë. Sepse është normale, të lëmë punët tona dhe të shkojmë diku tjetër ata fitojnë, kështu që do të ishte mirë të paguheshim edhe sikur të kishte diferencime në pagesë. Në edicionin e radhës nëse më bëjnë ftesë dhe nëse nuk kam emisionin tim, me pagesë, po, kisha pranuar. Nuk është punë e lehtë të rrish 100 ditë aty brenda. S’kisha pranuar të rri pa më sjellë një piano dhe një pajise fitnessi, edhe një pishinë të mbyllur.”
Nga ana tjetër, i pyetur nëse do të niste një romancë brenda shtëpisë më të famshme, ai fillimisht është shprehur se nëse do të shkruante një kontratë do të përmbahej me gjithçka. Megjithatë, ai shtoi se me siguri nëse do t’i pëlqente dikush, nuk do të kishte dalë beqar nga formati.
“Kur nënshkruan diçka duhet të jesh “all in”. Por nëse të pëlqen dikush s’ka lidhje, nëse do kisha hyrë single, e sigurt që nuk kisha dalë single. E kisha bërë pa problem.”
Në fund, këngëtari i njohur foli edhe për foli situatën e ndodhur kur ishte i ftuar në spektaklin “Love Story Talk” mori një puthje në buzë nga një prej vajzave, Kleona Tela. Roberti tha se gjithçka ka qenë pjesë e show-t dhe se nuk e priste të ndodhte diçka e tillë.
Discussion about this post