Kryeministri Edi Rama e ka nisur prezantimin e programit qeverisës për mandatin e tretë me procesin e Rindërtimit.
Gjatë fjalës në Kuvend, Rama tha se në fund të pranverës së vitit 2022 do të përfundojë i gjithë programi i rindërtimit. Sipas programit, 60 miliardë lekë janë ndarë nga buxheti i shtetit në funksion të rindërtimit për tre vite. Në fund të pranverës së vitit 2022 pritet që të jenë mbaruar 4 mijë e 500 banesa individuale, 12 mijë apartamente si dhe 160 çerdhe, kopshte, shkolla e konvikte.
“Dua ti them atyre që presin strehimin përfundimtar në shtëpi, se ky është një nga prioritet e qeverisë sonë. Viti 2022 do të mbyllë plagët e tërmetit, por deri ditën e kapërcimit të pragut të shtëpisë së re, të gjitha familjet do të vijojnë të marrin bonusin e qerasë, të cilat kanë qëndruar vetë në çadër”.
Sa i përket vaksinimit, ai lëvdoi veten kur tha se nuk kemi zili asnjë vend tjetër, pasi shifrat flasin vetë.
“Nuk ndryshon as vaksinimi masiv. Do vazhdojmë derisa të jetë domosdoshmëri. Sot ne nuk kemi zili asnjë qeveri apo vend tjetër. Shifrat flasin vetë. Dje morëm lajmin për green pasin, për lëvizjen në Europë. Green pass gjenerohet përmes platformës E-albania. Ky është një mesazh kuptim plotë, që të vaksinohen të gjithë pa humbur kohë, që të lëvizin lirisht jashtë vendit. Jo vetëm përpjekja jonë në këto dy fronte por dhe gatimshmëria jonë do të jetë maksimale, kudo apo kurdo që opozita apo media nxjerr në pah të meta dhe gabime. Sot, do u them që të kërkojnë cdo informacion. Lajmet e rreme apo denoncimet në ekrane, portale, dëmin psikologjik e bëjnë njësoj. Unë zotohem se çdo qëndrim kritik apo denoncim do të jetë i trajtuar seriozosht nga ne”, tha Rama.
Ai tha se qeveria do të vendosë në dispozicion një kanal në faqen zyrtare për çdo akuzë apo denoncim që qytetarët mund të kenë.
