Reperi Arkimed Lushaj, i njohur me emrin e artit Stresi publikoi këngën për mikun e tij të ngushtë Brilant Martnaj, i cili u vra në një atentat në mbikalimin e Fushë-Krujë në korrik të këtij viti.
Stresi ka pasur një lidhje të ngushtë miqësie me Martinaj, aq sa ai e konsideronte vëlla, ndaj edhe i ka dedikuar disa vargje prekëse, të shoqëruara me melodi pianoje në sfond.
“17 korrik 2022, viti 2022. Do më mungon shumë vëllai im Brilant. I love you nigga. Bëj t’fala Dik Vatës. Edhe ty o Bes Hoxha. Më mori malli, kujtimet mbaj,” janë disa nga vargjet e këngës.
23-vjeçari Brilant Martinaj u ekzekutua në një atentat në 17 korrik së bashku me miqtë e tij Besmir Hoxha dhe Diklen Vata, ky i fundit ia doli që të dilte nga makina që kishte marrë flakë. Por sërish u qëllua për vdekje nga atentatorët. E ashtuquajtura masakra e Fushë-Krujës ende nuk është zbardhur edhe pse ishte një ngjarje që tronditi opinionin publik.
Discussion about this post