Mes lotësh tezja e 8-vjeçarit që u vra dje mizorisht nga fqinji i tij, ka rrëfyer bisedën e fundit me nipin e saj të ndjerë.I vogli i kishte thënë tezes së tij se do t’i tregonte një sekret, në bisedën e fundit që pati me tezen e tij.
“Para dy netësh më marrin dy nipat në telefon e bënin shaka. Më tha do të them një sekret dhe ty, do dalim në Fier bashkë e do ta them. Nuk ta them tani, se më dëgjon mami e babi, unë dua ta them vetëm ty dhe Kristos, djalit që kam këtu. Ai qeshte, ishte i lumtur. E kam pritur vetë atë djalë dhe e kam rritur vetë.”
Tezja e të miturit Adriana tha se lajmin e hidhur e kishte mësuar nga motra tjetër, teksa në fotot e trupit të pajetë të nipit kishte parë shenja dhune.Përballë këtyre pamjeve shokuese, ajo kërkon drejtësi për fundin tragjik të të miturit.
“Kam parë dy foto të çunit, ishte i masakruar, me shenja dhune. Çfarë ma ka gjetur motrën, më ka gjetur dhe mua.Fotot e nipit mi nisi vëllai, ishte i masakruar në pjesën e fytyrës, kur i pashë me iku truri. Dua vetëm drejtësi. Ai nuk meriton burg, meriton ta nxjerrësh në mes të Fierit, ta varësh dhe t’i hedhësh benzinë e t’i vësh flakën. Ta shikojë motra, dhe siç ka vuajtur nipi im, të vuajë dhe ai”, tha tezja mes lotësh.
Vdekja e nipit të saj mund të ishte evituar, sipas Adrianës, e cila kërkon llogari nga organet e drejtësisë që nuk parandaluan krimin.
“Ai kriminel që kishte bërë një krim, pse qeveria nuk mori masa dhe të priste t’i merrte jetën një vogëlushi. A është e drejtë? Kur person bën një krim, ai që e bën njëherë e bën praë, pse e nxjerr nga burgu.”
Ajo tregon se prej 3 vitesh e gjysmë ndodhet në shtetin Italian, ku pret të pajiset me dokumenta, ndaj për shkak të emigracionit nuk mund të ishte as prezente në ceremoninë mortore të nipit të saj.
“Ndodhem prej 3 vitesh e gjysmë në Itali. Pres të bëj dokumentet. Dola t’i blija ca gjëra dhe çokollata djalit. Në darkë me thotë djali që o ma ka humbur Mateo.I shkruaj motrës që kam në Greqi, janë dy motra burrat vëllezër dhe e pyes ça ka ngjarë me çunin, më thotë ke shkarë nga trutë e kokës.”, tregon ajo.
Tezja e djalit tregon rreth natyrës që ai kishte, Mateos që ajo njihte dhe detaje rreth marrëdhënies së tyre të afërt.
“Më pas më merr në telefon dhe më thotë Djana bëhu e fortë se çunin e kanë vrarë. Motra ime dhe kunati janë njerëz punëtorë, kanë punuar me djersën e ballit dhe me sakrifica. Ishte një ëngjëll, e çoi për të blerë bukë dhe i tha hajde tek shtëpia ma sill. Lam 3 vjet e gjysmë që nuk i kam parë, nuk i kam ndjerë aromën. Më ngelën çokollatat në çantë, më ngelën gjërat që i kisha blerë për çunat. Më kërkonte shumë gjëra dhe i kisha premtuar që do e nxirrja në Fier. Sot nuk isha dot aty. t’i hidha një grusht dhe. Aty ku është vrarë nipi të ngrihet një lapidar.
Kam folur me dy çunat e mi që gjenden aty, me vëllezërit dhe vjehrrën e motrës. Kurse me motrën nuk kam folur, nuk është në gjendje.”
Discussion about this post