Gjimnazi “17 Shkurti” në Obiliq të Kosovës ka njoftuar vdekjen e njërës prej nxënëseve të kësaj shkolle. Magbule Gashi është ndarë nga jeta, por nuk bëhet e qartë arsyeja. Në njoftimin mortor thuhet se “Magbulja ishte një nxënëse shumë e dashur dhe me qasje konstruktive me të gjithë mësuesit dhe shoqërinë.
“Jemi mësuar të shkruajmë e të bëjmë njoftime vetëm për sukseset dhe të arriturat e nxënësve tanë. Tani po na dridhen duart kur po shkruajmë njoftime të tilla të dhimbshme, por ja që edhe vdekja është pjesë e jetës, sado e dhimbshme, e papranueshme dhe e padashur për ne.Sot, morëm lajmin pikëllues se ish nxënësja e shkollës sonë Magbule Gashi qenka ndarë nga jeta. Magbulja, ishte nxënëse shumë e dashur, me qasje shumë konstruktive dhe të matur me të gjithë mësimdhënësit dhe shoqërinë. Andaj, ndarja e saj nga kjo jetë, ka lënë në mërzi, jo vetëm pjesëtarët e familjes, por edhe të gjithë mësimdhënësit dhe shoqërinë e saj. Do të na mungojë përherë fytyra e saj e buzëqeshur, fryma pozitive dhe përkushtimi me plot dashuri për jetën. I përjetshëm qoftë kujtimi për Magbulen tonë të dashur ! U prehtë në paqe në botën e pasosur “, thuhet në njoftim.
Discussion about this post