Presidenti i Këshillit Evropian Charles Michel ka bërë sot një deklaratë të fortë për vendet që dyshohet se mund të përkrahin Putin, ndër to edhe për Kinën. Në një dalje për mediat, Michel tha se nuk mund të mbyllë një sy ndaj shkeljeve të ligjit ndërkombëtar nga Rusia. Deklarata e Michel erdhi pas një samiti virtual me presidentin kinez Xi Jinping të premten. Më tutje ai garanton se BE do të ndërhyjë në rastet kur ndonjë vend do përpiqet të ndihmojë Rusinë.
“BE dhe Kina ranë dakord se kjo luftë po kërcënon sigurinë globale dhe ekonominë botërore. Bashkimi Evropian do të mirëpriste hapat pozitivë nga Kina për të ndihmuar në përfundimin e luftës midis Rusisë dhe Ukrainës”, tha presidenti i Këshillit Evropian Charles Michel.
Gjithashtu Michel shtoi se BE do të jetë vigjilente ndaj çdo përpjekjeje për të ndihmuar Rusinë financiarisht ose ushtarakisht dhe për të anashkaluar sanksionet e vendosura ndaj Rusisë për pushtimin e saj në Ukrainë. “Ne patëm mundësinë të shpjegojmë pozicionin e BE-së, t’i bëjmë thirrje Kinës të veprojë, të angazhohet për të marrë pjesë aktive në të gjitha përpjekjet që po bëhen për të rivendosur paqen dhe stabilitetin,” shtoi ai. Liderët e BE-së e bënë shumë të qartë se Kina nuk duhet të ndërhyjë në sanksionet.
Discussion about this post