Ish-drejtuesi i Prokurorisë së Krimeve të Rënda Eugen Beçi u shpreh sot se sulmet kibernetike ndaj Shqipërisë, kanë destabilizuar tërësisht situatën.
Sipas tij, kjo gjë do të sjellë dhe ndezjen e krimeve, dhe e cilësoi sulmin si mirëfilli terrorist.
Beçi bëri thirrje për rishikimin e legjislacionit dhe përshtatjen e tij mbi sulmet kibernetike, për shkak të mungesave dhe boshllëqeve.
“Duke pasur parasysh sulmin nga Irani që ka 6-7 vjet që është armiqësor me Shqipërinë, sulme të cilat kanë qenë mirëfilli terroriste. Duhet kujdes për të kuptuar sistemet e goditura.
TIMS organizon punë e policisë e prokurorisë, ruan shumë të dhëna të cilat do destabilizonin e krijonin pasiguri në organet ligjzbatuese. Duhet të kuptojmë se me njoftimin për sulm kibernetik ndaj sistemeve të policisë, email që përdorej nga drejtori i përgjithshëm, duhet të mendojmë apriori që të dhënat mund të jenë marrë ndaj masat duhet të ishin të menjëhershme për të mos arritur sot tek publikimi”, u shpreh ai për emisionin “Open”.
Discussion about this post