Nënkryetari i Partisë Demokratike, njëkohësisht kreu i Komisionit Hetimor për zgjedhjet e 25 Prillit, Enkelejd Alibeaj, ka deklaruar në mbledhjen e sotme se do të depozitojë kallëzim penal kundër dy bashkive, të Tiranës dhe të Vlorës. Kjo, pasi nuk kanë kthyer përgjigje për informacionin që iu kërkua për fushatën elektorale të 25 prillit.
Nën.kryetari i komisionit, deputeti socialist Toni Gogu doli në mbrojtje duke thënë se një pjesë e informacionit ka ardhur dhe se përgjigje të tjera po vijnë.
Toni Gogu: Pretendimet e kolegëve hidhen poshtë nga moria e informacionit që ka mbërritur. Mos u panikosni, shteti është ngritur në këmbë sepse do të hetojë zgjedhjet.
Enkelejd Alibeaj: Jam dakord që duhet të kalojmë në pikat e tjera të rendit të ditës. Ne nuk mund të lëmë pas dore pikat e tjera të rendit të ditës. Ju kujtoj që miratimi i planit që kemi sot në rendin e ditës do të ishte i plotë vetëm në rastin kur veprimtarinë hetimore ta kemi të plotë, në bazë të ligjit. Nëse ka ardhur përgjigja nga 59 bashki, ministritë dhe 12 inspektorate dhe një sërë institucionesh të tjera, këtu ka diçka që nuk shkon për institucionet e tjera kanë kaluar tre javë. Ne duhet të reagojmë. Jo si komision. Por sa herë që vërehet një diferencë në rastin më të mirë të mos kthimit të përgjigjes, jo njëherë, por e treta herë. Njoftimi ka mbërritur në këto bashki dhe besoj se nuk ka asnjë lloj justifikimi ligjor për të pritur. Është detyrim ligjor për secilin anëtar për të reaguar. Në dy seancat e kaluara kam bërë paralajmërimin, jo kërcënim, thjeshtë sjellja në dijeni e sanksioneve që ka komisioni në dorë për të reaguar kur institucionet e tjera nuk përgjigjen. Në përfundim të kësaj mbledhje, për bashkinë Tiranë dhe Vlorë do të depozitohet kallëzimi penal për shpërdorim detyre.
Në mbledhjen e sotme pritet të miratohet plani i hetimit dhe caktimi i mbledhjes së ardhshme.
Discussion about this post