Sot rreth orës 11:00 në Le Caffe Bar, pranë kryqëzimit Aleksadria në Vlorë, janë vjedhur nga 2 turiste italiane (sipas kamarierit të lokalit) një sasi e konsiderueshme kartmonedhash euro.
Stafi i lokalit ka bërë thirrje që t’i kthejnë eurot, pranë lokalit ose në Rajonin e Policisë Vlorë.
Kujtojmë që 4 ditë më parë kryeministrja italiane Giorgia Meloni ngarkoi ambasadën italiane në Tiranë të paguajë faturën e katër të rinjve që u larguan nga restoranti “Guva” në Berat pa paguar.
“Më erdhi turp, sepse Italia që dua të përfaqësoj nuk është një komb që flitet jashtë për këto gjëra, që nuk respekton punën e të tjerëve, që mendon se është argëtuese duke mashtruar të tjerët. Ndaj vendosa t’i kërkoja ambasadorit që të shkonte dhe të shlyente faturën, të cilën e pagova vetë. Asgjë e madhe, në fakt as që e raportova”, tha Meloni.
Discussion about this post