Mos përmendi gjë njeri ‘2eurogang’? Sepse Sunny Hill është gati t’i vihet flaka me pjesëmarrjen e dy prej artistëve më të pëlqyer nga publiku, Mozzik dhe Getinjo. Dy vëllezërit do të ngjiten në skenën e Sunny Hill i cili këtë vit do të mbahet për herë të parë në Tiranë.
Deri më tani janë zbuluar emrat e 13 artistëve të cilët do të performojnë në skenën e madhe. Disa ditë më parë u konfirmua pjesëmarrja e reperit të njohur Stormzy, emri i vërtetë i të cilit është Michael Ebenezer Këadjo Omari Oëuo Jr.
Lajmi është bërë i ditur nga faqja zyrtare e festivalit “Sunny Hill” në Instagram ku mes të tjerash shkruhet: “Sunny Hill mirëpret vetë legjendën STORMZY. Një nga figurat më frymëzuese të Mbretërisë së Bashkuar vjen skenën tonë për atë që do të bëhet një SHOË HISTORIK!”
Kujtojmë se edhe Action Bronson, reperi shqiptar me famë botërore do ti bashkohet Dafina Zeqirit, Tananai-t, Elgit Dodës, Dren Abazi-t dhe reperit italian Fedez në një prej 3 mbrëmjeve të eventit muzikor.
“Ka vetëm një BAKLLAVA që merr përsipër skenën kryesore të Sunny Hill Tirana dhe ne jemi kaq të gatshëm të çmendemi me më të vërtetin Action Bronson’, shprehet ekipi i Sunny Hill. Gjithashtu dhe Dj e njohur: Regard, Merk & Kremont, Drop G dhe Kamelia do të performojnë ne festival. Festivali ‘Sunny Hill’ në zemër të Tiranës në datat 26, 27 dhe 28 gusht.
Discussion about this post