E nisur rreth orës 17:00 , qytetarët zhvilluan protestë para Kryeministrisë kundër rritjes së çmimeve . “Fike, fike”, ishin thirrjet e qytetarëve të cilët kërkonin nga shoferët e automjeteve t’u bashkoheshin protestës duke fikur makinat dhe duke bllokuar rrugët.
Qytetarët janë shprehur se kjo protestë do të vazhdojë deri sa ata të marrin një përgjigje.
“Taksa të shtrenjta, naftë e shtrenjtë, çmime të shtrenjta”, u shpreh një tjetër qytetar.
Nga ana tjetër, qytetarë të tjerë u shprehën se do të qëndrojnë në shesh derisa Rama, sipas tyre, mos t’ua pijë gjakun e fëmijëve.
“Po na pinë gjakun e fëmijëve, turp të kenë. Nuk jemi me politikë duam bukën e gojës. Të zhduket Edi Rama se na ka lodhur. Do qëndrojmë këtu deri sa Rama të mos na pijë gjakun e fëmijëve. Po na shkon thika te fëmijët sepse vetë kemi mbaruar. Gënjejnë çdo ditë në Parlament”, tha një tjetër qytetar.
“Ulni taksat”, ishte një tjetër thirrje e protestuesve.
Discussion about this post