Pak ditë para nisjes së fushatës elektorale të 14 majit, Lulzim Basha, pyetjes së gazetarëve se a do të merrte pjesë në fushatë, iu përgjigj, “po, do të bëj fushatë në gjithë Shqipërinë”.
Më kot u munduan gazetarët ta shikonin Bashën në aktivitetet politike, pasi ai jo vetëm nuk doli asnjë ditë në fushatë, por përkundrazi u pa duke bërë pazare në dyqanet luksoze të Europës si dhe duke u relaksuar në lokale nate.
Megjithatë, Basha duket se ka vendosur të rikthehet edhe një herë fuqishëm në gjirin e demokratëve, ndonëse këta të fundit, duke parë rezultatet e zgjedhjeve të 14 Majit, e kanë braktisur.
Pas dorëheqjes së Enkelejd Alibeajt, të cilin Basha edhe pse kishte dhënë dorëheqjen nga kreu i partisë, e delegoi si kryetar të komanduar të PD-së zyrtare.
Por, edhe ky nuk e gëzoi shumë kurorën, pasi ju desh të dorëhiqej pas një disfate të turpshme në zgjedhjet vendore, ku jo vetëm nuk arriti as të nxirrte kandidatë për kryetar bashkie, por edhe në ato pak bashki dolën si forcë politike e tretë apo edhee katërt, siç ishte rasti i rezultateve në Tiranë ku Roland Bejko nuk arriti dot të kalonte me vota as Arlind Qorin.
Nuk dihet nëse deputetët do ta mbështesin më Bashën apo jo në këtë rikthim, por shfaqja e Bashës në skenën politike tashmë duket si e mbyllur. Megjithatë ai e di vetë.
Discussion about this post