Mesfushori i Liverpool, Thiago Alcantara është një nga emrat më të diskutuar për rikthim te skuadra e Barcelonës.
Në një konferencë të dhënë para ndeshjes së ‘The Reds’ me FC Porto për Champions League, lojtari ka këmbëngulur se është i fokusuar për të bërë mirë në ‘Anfield’.
“Unë luaj futboll. Nuk jam i shqetësuar për thashethemet. Jam i fokusuar në detyrën që kam ndaj ekipit tim, kontratën që kam dhe aventurën e re që kam këtu në Premier League duke u përpjekur të fitoj të gjithë trofetë që mundem”,-deklaroi lojtari.
Ai u afrua nga Liverpool prej të rinjve të Barçës, ndërsa në ‘Camp Nou’ konsiderohej si trashëgimtar i legjendës dhe trajnerit aktual të katalanasve, Xavi Hernandez. Thiago bëri 100 paraqitje te Barcelona dhe shënoi 11 gola, ndërsa dha 20 asistime.
Ishte vetë Barça ajo që e largoi atë në 2013-ën në drejtim të Bayern Munich, ku u ribashkua me trajnerin Pep Guardiola.
30-vjeçari luajti rol të rëndësishëm edhe në futbollin gjerman, ku me Bayern fitoi shtatë tituj të Bundesligës./K.T/Gijotina.com
Discussion about this post