Policia e Durrësit ka sekuestruar 4 kallëp tritol me peshë rreth 1 kilogram, ku është vënë në pranga dhe poseduesi i tyre, i cili u kap duke transportuar lëndën eksplozive. Në pranga ka përfunduar Roland Kurteshi, 19 vjeç, banues në fshatin Kullë, Durrës. 19-vjeçari u kap në aksin rrugor Sukth – Kullë, duke transportuar me qëllim shitjen, 4 kallëp tritol.
Materialet e para hetimore në ngarkim të të riut i kaluan Prokurorisë pranë Gjykatës së Shkallës së Parë Durrës, për veprën penale “Mbajtja pa leje dhe prodhimi i armëve, armëve shpërthyese dhe i municionit“, për veprime të mëtejshme.
Discussion about this post