Një 50-vjeçar nga Fushë-Kruja është arrestuar nga policia pasi dyshohet se ishte poseduesi i katër minave me telekomandë.
Arben Elezi u arrestua në flagrancë, në Shkafanë, Ishëm, Durrës, pasi gjatë kontrollit fizik i gjetën dhe sekuestruan në cilësinë e provës materiale 4 mina me telekomandë të lidhura me aparat celular, të cilat ky shtetas do t’i shiste kundrejt shumës 10.000 euro.
Sipas njoftimit të policisë, po vijon puna për identifikimin dhe kapjen e personave të tjerë të përfshirë në këtë veprimtari kriminale.
