Thashethemet janë gjithmonë në rend të ditës, sidomos kur afrohet merkato dhe emri i Real Madridit është në mes, diçka që rrit pritshmëritë në mbarë botën.
Florentino Pérez dhe José Ángel Sánchez po punojnë pa u lodhur në planifikimin e sezonit të ardhshëm, të vetëdijshëm për nevojën për të forcuar skuadrën e Carlo Ancelottit.
Karim Benzema, Eden Hazard, Marco Asensio dhe Mariano Díaz i kanë dhënë tashmë lamtumirën madrilenëve, por nuk do të jenë të vetmit që mund të largohen.
Emri i Fede Valverdes ka tingëlluar shumë në orët e fundit, pasi nga Anglia tregojnë për një interesim të mundshëm nga të gjithë të mëdhenjtë e kampionatit të vendit ishullor.
Megjithatë, realiteti është se Real Madridi dhe mesfushori uruguaian nuk kanë ndërmend që të të ndahen, gjë që i jep fund çdo thashethemi dashakeq nga antimadridizmi apo ‘shtypi’.
Veç kësaj, Fede Valverde ka treguar edhe një herë përkushtimin e tij ndaj klubit të bardhë, pasi u zyrtarizua se do të jetë një nga lojtarët e parë që do të nisë sezonin më 10 korrik, së bashku me Toni Kroos, Lucas Vázquez, Jesús Vallejo dhe Dani Ceballos, ndërsa pjesa tjetër e futbollistëve do t’i bashkohen 10 ditë më vonë.
Discussion about this post