Një 42-vjeçar është arrestuar nga policia pasi tentoi që të strehonte në banesën e tij 5 emigrantë të paligjshëm.
Eqerem Sorra ka rënë në pranga të policisë, pasi u kap në flagrancë nga policia në lagjen ‘Osman Haxhiu’. Ai do të hetohet për veprën penale “Ndihma për kalim të paligjshëm të kufijve”.
“Goditet një tjetër rast i veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit. Finalizohet me sukses operacioni policor i koduar “Hosting”. Vihet në pranga 42-vjeçari që tentoi të strehonte 5 emigrantë të paligjshëm, në banesën e tij.
Specialistët e Seksionit për Hetimin e Narkotikëve dhe Trafiqeve të Paligjshme, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, në bazë të informacioneve policore, kanë organizuar dhe finalizuar me sukses operacionin policor “Hosting”, si rezultat i të cilit u arrestua në flagrancë shtetasi E. S., 42 vjeç, banues në Vlorë.
Arrestimi i këtij shtetasi u bë pasi u kap në flagrancë nga shërbimet e Policisë, në lagjen “Osman Haxhiu”, duke shoqëruar për në banesën e tij, 5 emigrantë, me qëllim dhënien ndihmë për kalimin e paligjshëm të kufirit, kundrejt fitimit. Materialet i kaluan Prokurorisë pranë Gjykatës së Shkallës së Parë Vlorë, për veprën penale “Ndihma për kalim të paligjshëm të kufijve”.”
Discussion about this post