Në takimin e kreut të PD, Sali Berisha, në Korçë, ku prezantoi kandidatët e PD-ASHM, mori fjalën edhe korçari më i famshëm demokrat Ilir Vrenozi.
Vrenozi u shpreh se kryeministi Edi Rama donte edhe atë dhe u bëri thirrje të gjithë shqiptarëve më 11 maj të votojnë numrin 1 dhe ta shpëtojmë Shqipërinë nga mjerimi.
Ai I bëri thirrje Ramës që të lirojë sa më parë, Ervin Salianjin, pasi po e mban si të burgosur politik nga frika e fitores së thellë në Korçë.
“Që ta dërgojmë tek spitali psikiatrik do të votojmë 1. Doktor Berisha, legjenda e demokratëve mirë se erdhe.
Më 11 maj Shqipëria përsëri do të buzëqesh. Do të lind një shpresë e re, një pranverë e madhe. E besoj ma ndjen shpirti këtë ndryshim. E them si një njeri i thjeshtë, i varfër si qindra mijëra të tjerë. Komunizmi dhe rilindja është pjella më e keqe e vendit tim. Ndaj duhet ta rrëzojmë këtë klik dhe Shqipërisë t’i bëjmë nder. E ndjej demokracia do të fitojë përsëri. Ndryshimin do ta bëjmë ne dhe diaspora, do ta nxjerrim në dritë nën Shqipërinë.
Tani po ju flas ju flas si një Vrenoz që është rritur me trahana dhe fasule. U mundua të më blinte i gjati, ky karagjoz, por unë jam i djathtë o çyryk dhe jam krenar që kokën dot sma ulë. Ti me shitblejre je mësuar. Po dje mo si ju tha fëmijëve më shihni nudo, u trondita dhe si prind po ta them një fjalë o i gjatë, si nuk të erdhi turp, si nuk t’u dhimsën fëmijët. Ju bëj thirrje të gjithë baballarëve që më 11 maj ta rrëzojmë këtë psikopat, t’ju tregojmë vendin këtyre zagarëve që e ardhmja e fëmijëve tanë të këtë një tjetër fat.
Doktor o gjigand si nuk u lodhe asnjëherë. Ti rrëzohesh, por ringrihesh përsëri se je vital. Liro Ervin Salianjin o maskara, ke futur brenda një të burgosur politik! Mjaft në robëri moj e mjera Shqipëri, demokratë votoni numrin 1, ja vdekje ja liri!'”, u shpreh ai.
Vrenozi nga takimi elektoral i PD-së i është drejtuar Ramës duke i thënë: Jam i djathtë o çyryk.
“Rilindja pjella më e keqe e vendit tim.
Jam i djathtë o çyryk sepse ti me shit-blerje je mësuar. Bleve McGonigal, Yuri Kim por njerëzit e thjeshtë nuk i ke nënshtruar. Ndaj doje të më nënshtroje dhe mua”, tha Vrenozi ndër të tjera.
Discussion about this post