Detaje të reja që thellojnë dhimbjen e tragjedisë së aksidentit në Rrugën e Kombit janë zbuluar. Shkurt Prenga sëbashku me familjen e tij mësohet se po udhëtonte drejt fshatit Rrilë të Lezhës, ku do të takonin dajën e të ndjerit për festat e fundvitit. Shkurt Prenga prej disa kohësh ishte zhvendosur në Itali dhe kishte ardhur në Shqipëri për të festuar festat e fundvitit me të afërmit e tij, por gëzimi i festave u kthye në dhimbje dhe tragjedi nga humbja fatale e jetës së tij dhe djalit 3-vjeçar.
Ndërkohë 26-vjeçarja Fabiola Prenga, bashkëshortja dhe nëna e viktimave mbeti e plagosur rëndë dhe u transportua në spitalin e Traumës në Tiranë. Sipas burimeve shkak i aksidentit është bërë parakalimi i gabuar nga mjeti tip “Benz” me drejtues Arlind Mihaj, ky i fundit me origjinë nga Tropoja i ka prerë rrugën familjes Prenga që po udhëtonin me mjetin tip “Opel Corsa”. Arlind Mihaj gjithashtu është në gjendje të rëndë dhe po mjekohet në spitalin e Traumës.
Discussion about this post