Një shqiptar ka rënë në prangat e policisë italiane pasi kërcënonte me jetë gruan e tij. Mësohet se, pas kërcënimeve të vazhdueshme me vdekje ndaj gruas dhe tentativës për mbytje, burri në fjalë është arrestuar mëngjesin e djeshëm për keqtrajtim familjar dhe dehje të zakonshme.
Urdhri i paraburgimit në burg është dhënë nga një gjykatës i Riminit, Vinicio Cantarini, me kërkesë të zv/prokurorit Davide Ercolani që koordinoi hetimet e karabinierëve të Rimini.
Një tjetër episod i rëndë, që daton në fund të nëntorit, shkaktoi prangat: “Do të të hedh nga ballkoni dhe do të të bëj copash me sharrë”, e kishte kërcënuar i shoqi. Edhe pas ndarjes, gruaja është dhunuar fizikisht dhe verbalisht nga burri pasi ndodhej në gjendje të vështirë ekonomike.
Discussion about this post