Shpenzime të fryra për blerje qesharake! Kështu mund të përshkruhet ky tender i Lali Erit që do të raportojmë më poshtë. Deri më sot kryebashkiaku Erion Veliaj nuk ka dhënë asnjë shpjegim për miliardat që iu jep oligarkëve në tenderët për të pastruar Tiranën, megjithëse kryeqyteti vazhdon të mbetet i papastër. Pa e vrarë mendjen fare Bashkia Tiranë vazhdon të shtojë shpenzimet. Prandaj ia vlen të gërmojmë pak se ku shkojnë dhe përse harxhohen këto para.
Veliaj ka firmosur së fundmi tenderin me objekt “Blerje materiale pastrim”, që zhvillohet nga Drejtoria e Përgjithshme e Objekteve Publike Tiranë, institucion në varësi të Bashkisë, pra nën urdhrat e Lali Eri.
Menjëherë bie në sy vlera prej 400 milionë lekësh, sipas të dhënave të tenderit do të shpenzohet kosha plastikë, kaci, fshesë për merimanga. Këto materiale në treg kushtojnë nga 100 lekë deri në 600 lekë një copë, por Lali Eri i blen shtrenjtë sikur të jenë prej floriri.
Besojmë që edhe 4 milionë lekë do ishin të mjaftueshme, por Veliaj do të shpenzojë 400 milionë lekë që të mbushë arkën e kompanisë përfituese.
Ndërkohë tjetër abuzim që vihet re është tek përcaktimi i fituesit. Në dokument tregohet se këtë tender e ka fituar MALVINA VISOKA PF me ofertën 306 milionë lekë. Ajo e ka marrë tenderi në një konkurrencë të padrejtë, sepse Veliaj ka përjashtuar çdo ofertë tjetër.
Është një vendim “i nxituar” i bashkisë, pasi më herët MALVINA VISOKA e ka denoncuar në KPP këtë tender, duke pretenduar se Bashkia ka shkelur rregullat.
Në fakt janë bërë katër ankesa dhe pavarësisht kësaj, si për të mbyllur çështjen e denoncimeve, Veliaj ia fali kontratën “Visoka-s”. Gjithashtu, për shkelje të ligjit të prokurimeve, tenderi ka marrë “Red Flag” nga monitoruesi Open Data. Këtë herë “Visoka” nuk është ndjerë më për shkeljet e bëra, pasi heshtja përballë abuzimit tani është në favor të saj.
Erion Veliaj i jep 358 MLN lekë Eral Myftarajt për të prerë pyjet e Tiranës
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post