Deputeti i opozitës parlamentare anëtar i Komisionit hetimor për shkarkimin e presidentit Ilir Meta, Myslim Murrizi ka ngritur dy çështje.
Murriz në kuadër të vendimit për shkarkimin e Metës ka sugjeruar që të vihet në dispozicion praktika e shkarkimit të presidentit të Italisë në vitin 1993.
Po ashtu Murrizi kërkoi që në seancën hetimore të thirrej edhe kreu i SHISH, edhe Drejtori i Policisë së Shtetit.
“Unë do të jem deputet deri me datën 9 shtator. Ne nuk bëjmë gjyqe, do të shprehemi me votë. Është hera e parë që një komision hetimor ka edhe një organ tjetër. E para është votimi në seancë dhe vendimi atij Kuvendi. Nëse do të jetë 94 do t’i kalojë Gjykatës Kushtetuese. Do doja që ta shtrinim pak kërkesën ne arshivat e parlamentit. Do doja të kishim në dispozicion praktikën e shkarkimit të presidentit të Italisë në ’93 pas kërkesës së një deputeti. Të na vihet në dispozicion praktika në Itali se çfarë hapash kanë ndjekur, unë nuk mjaftohem me Lituaninë. Do të doja të kishim shefin e SHISH apo dhe drejtorin e Policisë së Shtetit, të zhvillohej një seancë dëgjimore”, është shprehur Murrizi.
