Milani po synon një lëvizje të madhe gjatë kësaj vere, marrjen e Iscos nga Real Madrid dhe gjigantët spanjoll thuhet se mund ta lejojnë lojtarin të largohet për 15 milionë euro.
‘Il Corriere dello Sport’ raporton se ‘Los Blancos’ po kërkojnë të heqin qafe mesfushorin që mbërriti te ta nga ‘Real Sociedad’ në korrik 2013.
29-vjeçari nuk është më i pëlqyer në Santiago Bernabeu dhe mund të lejohet të largohet, pasi klubi dëshiron të heqë qafe pagën e tij prej 6 milionë eurosh në vit.
Milani mund të përfitojë nga Real Madrid, por paga e lojtarit mund të jetë ende një problem.
Pavarësisht se prisnin 20 milionë euro për transferimin e Iscos, Real Madrid mund të ishin të kënaqur me vetëm 15 milionë euro për të shmangur humbjen e lojtarit në një transferim falas verën e ardhshme.
Isco, i cili ka luajtur 336 ndeshje me Madridin dhe ka marrë katër trofe të Champions League, dy tituj të La Ligas dhe një Copa del Rey gjatë kohës së tij me ‘Madrilenët’, është vënë në shënjestër të ‘Djallit’./Gijotina.com
