Franca fitoi minimalisht përballë Austrisë në ndeshjen e parë të Euro2024, por pas ndeshjes vëmendja më e madhe ishte tek Kylian Mbappe. Kapiteni i “Glelave” u pa i gjakosur në fushën e lojës pas një përplasjeje me Kevin Danso. Pas sfidës, federate franceze e futbollit ka konfirmuar se 25-vjeçari ka pësuar një thyerje në pjesën e hundës.
“Kylian Mbappé është rikthyer në kampin bazë të skuadrës franceze. Ai do t’i nënshtrohet trajtimit në ditët në vijim, pa iu nënshtruar menjëherë një operacioni. Do të bëhet një maskë në mënyrë që numri 10 i ekipit francez të shqyrtojë rifillimin e garës pas një periudhe kushtuar trajtimit”, thuhet në njoftimin e federatës, që nuk përcakton periudhën e rikuperimit.
I pyetur nga gazetarët pas takimit, presidenti i Federatës Franceze të Futbollit (FFF) Philippe Diallo ishte optimitst për fatin e yllit të bluve: Do t’ja dalë, pa operacion.
Mbappe udhëheq skuadrën e tij për herë të parë si kapiten në një kampionat Europian e do të kërkojë që të fitojë të vetmin trofe që ende nuk e ka në palmaresin e tij me Kombëtaren. Ndonëse vetëm 25-vjeç, kapiteni I Francës ka fituar Ligën e Kombeve dhe Kupën e Botës. Ndeshja e radhës për Francën do të jetë me 21 qershor përballë Holandës.
Discussion about this post