“Do të masakroj. Këlysh k**ve”, nis hetimi ndaj policëve që dhunuan të riun

Agjencia e Mbikqyrjes Policore (AMP) ka nisur hetimin për dy punonjës policie, të cilët iu drejtuan një të riu me fjalor jo etik dhe e dhunuan.

Përmes një njoftimi zyrtar, Policia e Durrësit sqaron se më datën 26 qershor janë arrestuar shtetasit E.D., 27 vjeç dhe  G. S., 26 vjeç, pasi gjatë kontrolleve fizike, 27-vjeçarit i është gjetur një mjet prerës, ndërsa shtetasit 26-vjeçar i është gjetur një sasi lënde narkotike cannabis sativa.

Sipas njoftimit të policisë, të dy këta shtetas kanë përdorur forcën kundër punonjësve të Policisë, për t’i ndaluar të kryejnë veprimet procedurale për rastin.

Ndërkohë ka nisur hetimi për veprimet e policëve si dhe për fjalorin joetik të përdorur gjatë përmbushjes së detyrave funksionale.

“‘Do të masakroj, boll, dorëzohu! Këlysh k**ve”, i thotë një prej policëve ndërsa tjetri e qëllon me shuplakë.

I riu i shtrirë në tokë thjesht thotë: “Po na terrorizoni, o çuna”.