Do të mbahej sot, shtyhet mbledhja e Konferencës së Kryetarëve

Mbledhja e Konferencës së Kryetarëve, e cila ishte planifikuar të mbahej këtë të mërkurë është shtyrë.

Para hyrjes në mbledhjen e PD, deputeti Gazment Bardhi tha se duhet të pyetet Kuvendi për arsyet.

“Te nderuar anëtarë të Konferencës së Kryetarëve,

Ju njoftojmë se:

Mbledhja e Konferencës së Kryetarëve e njoftuar për sot shtyhet për një ditë tjetër. Konsultimet vijojnë”, thuhet në njoftimin e Kuvendit.

Nuk dihen arsyet e shtyrjes, por një ditë më parë u vendos për të diskutuar për objektivat e dy komisioneve hetimore parlamentare, atë të koncesionit të shëndetësisë dhe sistemit TIMS.

PS dhe PD po shkojnë drejt marrëveshjes për ngritjen e dy komisioneve hetimore që kërkon opozita.

Në mbledhjen e Konferencës së Kryetarëve që  u zhvillua një ditë më parë me prezencën e Bledi Çuçit nga PS dhe Gazment Bardhit nga PD, këta dy të fundit janë shumë pranë konsensusit.

Konsensusi vjen për herë të parë, pas rreth 5 muajsh kaos në Kuvend, teksa “Rithemelimi” u ul dje në tryezën e Konferencës së Kryetarëve përballë deputetëve të mazhorancës.

Pas mbledhjes së grupit demokrat, u mandatua Gazment Bardhi për negociatat me Partinë Socialiste. D

akordësia e parë në parim mes socialistëve dhe “Rithemelimi” u arrit për ngritjen e dy komisioneve hetimore, konkretisht për rrjedhjen e të dhënave dhe ndërhyrjen në sistemin TIMS, ndërsa tjetri për 4 koncesionet e sterilizimit në Shëndetësi.