Në një konferencë për mediat nga selia e PL, Ilir Meta është pyetur nga gazetarët nëse do të mbështeste mjekun Ilir Alimehmeti si kandidat për kreun e bashkisë së Tiranës nëse PD do e prezantonte si të tillë.
Meta u përgjigj se nuk dëshironte të fliste me emra për këtë çështje, ndërsa tha se përgjegjësia për këtë i takonte një tjetër lideri duke nënkuptuar kryedemokratin, Sali Berisha.
“Nuk mund të hyj në çështje emrash sepse nuk është përgjegjësi e imja emri, as në Tiranë dhe asgjëkundi. Përgjegjësinë e ka marrë një lider tjetër dhe një forcë politike dhe uroj ta zgjidhë këtë gjë sa më shpejtë. Kjo çështje ka përfunduar për Tiranën dhe gjithë Shqipërinë. Nëse ka ndonjë kandidat nga partia e Lirisë që pretendon se ka aftësinë për të fituar, unë do të angazhohesha me shumë dëshirë. Por objektivi ynë janë këshillat, do t’i kthejmë në parlamente vendore. Do të jetë më i rëndësishëm parlamenti i Tiranës sesa ai i 25 prillit”, tha Meta.
Discussion about this post