Përfaqësuesja e Shqipërisë në “Eurovision 2022”, Ronela Hajati, me këngën “Sekreti”, ka ndarë disa detaje të videoklipit që mesa duket do të jetë spektakolar. Së fundmi ajo ka ndryshuar “look” duke hequr dorë nga të qenurit bionde, teksa shihet me flokët e zeza dhe baluket e prera.
Nëpërmjet një postimi në llogarinë e saj të “Instagram”, ajo shkruan: “It’s brunette night!”- “Është nata e brunes!” Ndërkohë që performanca e saj në “Festivalin e Këngës” ishte me flokët biond, mbetet për t’u parë se çfarë ka rezervuar e paparashikueshmja Ronelë për netët e rëndësishme të “Eurovision”-t!
View this post on Instagram
Rikujtojmë se artistja ka bërë me dije se ka nisur xhirimet e videoklipit të këngës në jug të vendit, me një mesazh të fortë për ruajtjen e trashëgimisë sonë natyrore. Burime për “Top Albania Radio”-n kanë konfirmuar se kënga po xhirohet buzë Vjosës, në Bylis. U njoftua se në Gjirokastër dhe Tepelenë do të ketë gjithashtu fragmente të videoklipit. Video e cila do të publikohet në fillim të Marsit në kanalin zyrtar të “Eurovizionit” do të tregojë disa nga bukuritë më përrallore të Shqipërisë, që do të shërbejë si një promovim i përsosur për të gjithë dëgjuesit e eventit.
Discussion about this post