Moderatorja Arbana Osmani ka konfirmuar lajmin se do të jetë ajo prezantuesja e edicionit të 61-të Festivalit të Këngës në Radio Televizionin Shqiptar.
Në një postim në rrjetet sociale, Arbana shkruan se me Bojken Lakon, Shpëtim Saraçin, Eraldo Rexhon dhe partnerin e saj Eduartin, “prej muajsh po punojmë që të sjellim një Festival te Bukur, me pranë njerezve”.
Lexo edhe: E konfirmon Eduart Grishaj, Arbana do të drejtojë festivalin e “RTSH”!
“Edhe pse s’ma la njeri shansin ta ndaj vetë me ju si lajm e para, jam e gëzuar të konfirmoj se këtë vit do të jem në drejtimin e Festivalit të 61 të Këngës në Radio Televizionin Shqiptar.
Një vlerësim, kënaqësi por edhe përgjegjësi e madhe që kam zgjedhur ta ndaj me një skuadër profesionistesh të shkëlqyer me të cilet kam fatin të punoj në këtë projekt.
-Bojken Lako, artisti multi dimensional dhe intuitiv, krijuesi i disa platformave muzikore te suksesshme për të rinjte dhe jo vetëm, një nga njerezit më intuitivë e më me shije në industrinë muzikore.
-Shpetim Saraçi, mjeshtri i madh i muzikes, legjende e gjallë e Festivalit të Këngës, nje nga njerëzit me virtuozë dhe punëtor që kam njohur.
-Eraldo Rexho, “tempulli” i “who’s who” në vend, më pranë artistëve se çdo kush tjeter, me energjine e pashtershme për te punuar pa orar.
Dhe Eduart Grishaj, ai që nxorri lajmin para meje;)
Një falenderim special për drejtuesit e RTSH qe zgjodhën të besojnë në këtë skuader, prej muajsh po punojmë që të sjellim një Festival te Bukur, me pranë njerezve.
Gjithmonë mirënjohëse drejtuesve të familjes sime te Top Media, të cilët më kanë mbështetur gjithmonë në çdo projekt timin.
Shihemi në 19, 20, 21 dhe 22 dhjetor❤️”-shkruan Arbana në rrjetet sociale.
Discussion about this post