Bayern Munich po bëhet gati për gjysmëfinalen e Ligës së Kampionëve, ku do të takohet me Real Madridin dhe lajmet për Tuchel janë tashmë pozitive.
Trajneri i bavarezëve, në konferencë për media ka zbuluar se Serge Gnabry është kthyer nga dëmtimi.
“Serge Gnabry është sërish në formë. Nuk jam i sigurt nëse ai do të fillojë apo do të përfundojë takimin, por ai do të luajë të martën dhe do të shënojë një gol kundër Real Madridit ”, ka thënë Tuchel.
Një deklaratë mjaft e guximshme, veçanërisht duke pasur parasysh lëndimet e shumta që kishte Gnabry këtë sezon.
28-vjeçari ka bërë vetëm 17 paraqitje për Bayern Munich këtë sezon, duke shënuar 5 gola.
Dy nga golat e tij, megjithatë, erdhën në Ligën e Kampionëve, duke përfshirë një kundër Arsenalit në çerekfinale.
Kingsley Coman dhe Leroy Sane janë lojtarët kyç të Bayern Munich që mund të humbasin përballjen e së martës në shtëpi kundër Real Madridit.
Discussion about this post