“Do të të vras prindërit”/ Përdhunoi të miturën, arrestohet 19-vjeçari në Shkodër

Një ngjarje e rëndë ka ndodhur ditën e sotme në Shkodër, ku një i ri ka rënë në pranga pasi dyshohet se ka përdhunuar një 15 vjeçare.

Mësohet se nga Policia e Shkodrës është arrestuar 19-vjeçari, Denis Marinaj. Sipas burimeve,  pasditen e sotme në komisariat është paraqitur e mitura 15 vjeç dhe ka treguar për policinë se 19-vjeçari e kërcënonte se do e vriste atë dhe familjen e saj dhe se me këto presione ka kryer me të marrëdhënie seksuale me dhunë, në kohë të ndryshme.

 “Do të vras prindërit nëse nuk shkon me mua”, mësohet se ka deklaruar e mitura në polici, ndërsa ka treguar ngjarjen. Ndërkohë prokuroria po vazhdon me hetimet dhe po merren në pyetje të dy palët