Një ngjarje e rëndë është raportuar në Greqi, ku një 35-vjeçar shqiptar dhunonte vazhdimisht partneren e tij. Së fundmi, ai e kishte dhunuar jashtë një lokali, ku gruaja kishte dëshmuar se nuk do ta denonconte, por fakti që ngjarja pati shumë dëshmitarë ka bërë që shqiptari të ndiqet penalisht.
Paraprakisht u raportua se shqiptari dhe gruaja kishin pirë aq shumë saqë nuk mbanin mend asgjë. Episodi mes 35-vjeçarit dhe partneres së tij të re, të dy të paidentifikuar me emra, ka ndodhur mëngjesin e së shtunës, pak metra larg një lokali në zonë.
Sipas raportimeve, gruaja ka shkuar në lokal me partnerin e saj dhe një shoqe, më pas kanë debatuar dhe pikërisht aty nisi dhuna fizike. Fatmirësisht për gruan, një çift po kalonte pranë zonës ku edhe ndodhi ngjarja. Burri e ndoqi sulmuesin nga pas dhe e kapi, ndërsa gruaja ka qëndruar me të plagosurën derisa ka mbërritur ambulanca.
Megjithatë edhe pse u fal njëherë, shqiptari duket se vazhdon dhe kryen sjellje abuzive, siç duket edhe nga aktakuza e ngritur nga Gjykata Penale Treanëtare e Volos. I akuzuari sot e martë është ulur sërish në bankën e të akuzuarve, ndërsa në aktakuzë renditen katër vepra penale.
“Do të ****, do të marr fëmijën,”-mësohet se i ka thënë ai partneres teksa e rrihte.
Por edhe pse ajo e fali, sërish shqiptari do të përballet me drejtësinë. Një muaj më parë, 26-vjeçarja ishte zhvendosur në një vend të sigurt, larg shtëpisë. Madje ishte ankuar për dhunë edhe në media: Mos e besoni, së shpejti do raportoni për mua. Do të më vrasë.
Discussion about this post