Gjykata e Lezhës ka lënë në burg 36-vjeçarin Antonio Leka që u kap pak ditë më parë me armë dhe municione në makinë. Gjyqtari Artan Hajradinaj ka pranuar kërkesën e prokurorit Françesk Ganaj për ta lënë në burg pa afat 36-vjeçarin që nuk ka folur asnjë fjalë në Gjykatë
Avokati i tij, Eduart Karaçi ka kërkuar ekzaminim të situatës së klientit të tij me pretendimin se në momentin e veprimeve të tij ka qenë në gjendje jo të mirë psikologjike.
36-vjeçari ishte i veshur me rroba ushtarake dhe me antiplumb kur u ndalua dhe në çantë iu gjetën armë dhe municione të tjera luftarake dhe fishekë. Leka iu kishte thënë familjarëve se do të vriste politikanët pasi ishte mërzitur me to. Familjarët, të alarmuar kanë njoftuar policinë.
Në makinë me të ka arritur të futet dhe nëna e tij, e cila është munduar të mbrojë të birin duke deklaruar se armët janë të sajat dhe se i dispononin pasi punonin me forcat e ushtrisë.
Discussion about this post